هزارين ويب پيجن تي
هزارين خيال اهڙا هن
پڙهي حيران هر هرڪو ٿئي
نقل ڪو جي ڪري تن کي
مهان انسان هرڪو ٿئي
هي آهي نيٽ جي دنيا
اسان جو پڻ هتي ديرو
هٿ ۾ مائوس جو ونجهه آ
ڏاهپ جي سمنڊ ۾
سرچ انجڻ جو بيڙو آ
هزارين لفظن جا موتي هن
سنڀاليا مون به ڪجهه آهن
چمڪ ڀرپور آ ليڪن
آواز آيو اندر مان آ
هي سڀ موتي پرايا هن
تراشيو ناهي احساسن
ته هي موتي ڪهڙي ڪم جا
ڦٽا مون سڀ ڪيا گوهر
رهيا باقي وڃي هٿ ۾
لفظن جا سادڙا پٿر
احساسن جي تيشي سان
اڪيريا لفظ هي آهن
"مون کي توسان محبت آ..."
سجاد علي
