نانگ، وڇون ۽ ويري، ڳالهه مڙيئي هڪڙي،
ٽانڊا، ڪوئلا، ڪيري، ڳالهه مڙيئي هڪڙي.
تر ۾ امن مري يا، گھر ۾ غير گھِري يا،
ڳاري ڦاسي ڳيري، ڳالهه مڙيئي هڪڙي.
منهنجي آجي رڳ رڳ، تنهنجي ساري لڳ ڀڳ،
گھنگھر آهي گھيري، ڳالهه مڙيئي هڪڙي.
هڪڙو اَڻ هوندائي ۽ ٻيو گھڻ هوندائي،
وک وک باهه وکيري، ڳالهه مڙيئي هڪڙي.
ديول، مندر، مسجد، اولهه، اوڀر ۽ وچ،
هيڏي هيري ڦيري، ڳالهه مڙيئي هڪڙي.
رَت ۾ توڙي سَت ۾، ڏِک ۾ توڙي وِک ۾،
ڪولهي، شاهه، ڪهيري، ڳالهه مڙيئي هڪڙي.
مرندا سڀ پرماري، ايندي عيد بخاري،
ڊوها ٿيندا ڍيري، ڳالهه مڙيئي هڪڙي
کوئی تبصرے نہیں:
ایک تبصرہ شائع کریں