چيٽ آيو چڙهي، تُون به آءُ لڙي،
کيت کيڙيون، مِڙي، پيار پوکيون پرين.
کاها پنهجا کڻو، لاها سارا ڪڍو،
ورنه ويندي سڄي سُونهن ساڻيهه سڙي،
چيٽ آيو چڙهي.
کيت ٻهڪي اُٿن، سنگ سونا ٿين،
هو هو هو جي ڪيون جهار ويندي ڦَڙي،
چيٽ آيو چڙهي.
نفرتن جو نگر، ڪُوڙ سارو ڪَلر،
سچ چئبو مگر، ڳالهه آهي ڪڙي،
چيٽ آيو چڙهي.
گيت ”رنگريز“ جا، ڏَس ڏيندا ويا،
صبح ٿيندو وري، رات ويندي لَڙهي،
چيٽ آيو چڙهي.
---
غلام حسين رنگريز
کوئی تبصرے نہیں:
ایک تبصرہ شائع کریں