تون هل ته هلون هي شھر ڇڏي - حـليـم بـاغـي

هن ڌرتيء جو دستور الٽ،
هن ملڪ سندو منشور الٽ،
هت چھرو چھرو چور ڏٺم،
هت فوٽ پاٿن تي ٻار پنن
۽ گند گلين ۾ سڏڪا ڪن،

... هت سيني سين دونهن دکن،
هت دل دل ۾ ناسور چِڪن
هن ٿر مان ھليا ٿاڪ ٿُڏي
تون هل ته هلون هي شھر ڇڏي.

هت عصمت ڪاروبار بڻي،
هت مجبوري واپار بڻي
هيءَ نگري سڀ واپار بڻي
هت غُربت ڄڻ ڪا گار بڻي،
هن ٿڪن جھڙي دنيا ۾
هن ههڙي تهڙِي دنيا ۾
ڪنڌ لڙڪائي جيئڻو ٿو پوي،
۽ ڍڪ ڍڪ وھ پيئڻو ٿو پوي
ڪجھ سڏڪن سان گڏ لڙڪ گڏي،
تون هل ته هلون هي شھر ڇڏي ـ

حـليـم بـاغـي